Бүгін: 23 сәуір 2017 жыл, (14:08)
A+A-
Нашар көретiндер үшiнҚалыпты нұсқа
Мобильді нұсқа
m.aral.gov.kz
Сенім телефоны: (72433) 2-11-62
Menu

Арал ауданы әкімінің блогы

Оразбаев Мұхтар Әуесұлы

Оразбаев Мұхтар Әуесұлы еңбек жолын 1997 жылы «Аралбалық» акционерлік қоғамы автопаркінің механигі ретінде бастаған. 1997-1999 жылдары «Көл» акционерлік қоғамының бас инженері, 2000-2002 жылдары Арал ауданы әкімі аппаратының төтенше жағдайлар жөніндегі жетекші маманы, 2002-2005 жылдары Арал ауданы әкімі аппараты мемлекеттік-құқықтық жұмыстар бөлімінің төтенше жағдайлар жөніндегі бас маманы, 2005-2006 жылдары Арал ауданы әкімі аппараты құжаттамалық қамтамасыз ету бөлімінің меңгерушісі. 

2006-2012 жылдары Арал ауданы әкімі аппаратының басшысы болса, 2012 жылдың қаңтар айынан бастап осы кезге дейін Арал ауданы әкімінің орынбасары қызметін атқарып келді. 

Айта кетейік, бұған дейін Арал ауданы әкімінің қызметін атқарып келген Абзал Сансызбайұлы Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаментінің басшысы қызметіне тағайындалды.

Құрметті Мұхтар Әуесұлы! Сізге өтінішімді айтуға рұқсат етіңіз. Мен- Капарова Адеми- 33 жылға жуық еңбек өтілім бар ұстазбын: педагогикалық институтты бітіргелі бері орыс тілі және әдебиетінен сабақ жүргізіп келемін. Жұмыс орным Арал ауданындағы №73 мектеп. Отбасымда төрт балам, келінім, немерем бар. Күйеуім екеуміз жұмыс істейміз, Жоғарғы оқу орнын бітірген ұлым мен келінім және "Құқық қорғау " мамандығы бойынша арнайы орта оқу орнын биыл бітірген қызым жұмыссыз, әрқайсысы шамасы келгенше тіршілік жасауда. Кенже ұлым технникалық колледжде білім алып жатыр. Бірақ менің сізге айтар өтінішім мен үшін өте маңызды. Өйткені менің балам Бухарбаев Адилет Жадрасинович 2010 жылы Батыс Қазақстан мемлекеттік медицина университетінің "Жалпы медицина" мамандығы бойынша ақылы бөлімге оқуға түсті, қазір сол факультеттің 7 курсында - интернатурада. Ақылы түрде оқыса да мінез - құлқы және білімі жағынан бізді уятқа қалдырып көрген жоқ. Әрине, оқыту оңай болған жоқ, Құдай қаласа, оқу орнын бітірген соң резидентураға түссе екен деймін. Сізден айтар өтінішім биылғы ауыл халқына - студент және бітіруші жастарға арналған резидентураға түсуге бөлінетін грантқа менің баламның да қол жеткізуіне көмек жасасаңыз. Сізге аналық алғысым шексіз болар еді.
30 наурыз 2017
Қаралған: 5
Арал ауданының әкімі М.Ә. Оразбаевқа Аудандық мәслихат хатшысы Д.Ж. Мадиновке Сыр елі өзінің сұлу табиғатына сәйкес, ақындығымен, жыраулығымен атағы жер жарған небір сүлейлерді де өмірге әкелген. Солардың бірі және бірегейі Нұртуған Кенжеғұлұлы атамыздың туылғанына (1887-1930) биыл 130 жыл толмақ. Нұртуған атамыз сыр өңірінде өзіндік мол мұрасы бар жыр мектебін қалыптастырып, көптеген ақын-жырауларды тәрбиелеп шығарған.Қазіргі кезде Әлімжан Суханбердин ағамыз бастап жинақтаған, шайырдың 7 қиссасы мен қырық мың жолдай өлеңдері ғана айтылып, насихатталып жүр. Кезінде Абдулла Жаңабаев ағамыз Мырзастан шыққан шайырлар жөнінде: ....Іздеушісі болғанда, Кем емес еді осылар, Айтылып жүрген казірде, Шайырларынан Кетенің. - деп жырлап кетіп еді. Айтқандай кезінде іздеушісі кем болып, шайыр атамыздың көп мұраларынан айырылып қалдық. Сондықтан Нұртуған атамызға қатысты дүниелердің бәрін атаусыз қалдырмай, насихаттап, өлеңдерін қайта зерттеп, жинақтағанымыз абзал. Әрине, қолда бар мұраларының өзінен қалың оқырман сусындап, Нұртуған ілімі ғылымға айналып отыр.Еліміздің өнер ордаларында Нұртуған мектебінің әдістемесі қалыптасып, көптеген шәкірттер дәріс алуда.Көптеген өнер жұлдыздары Нұртуған өлеңдерін сазға қосып, өнер сүйер қауымына қайта сыйлауда. Мінеки, халқына қаншама өлмес қазына сыйлаған ақын атамыз – Нұртуған Кенжеғұлұлын, 130 жылдық мерейінің аясында құрметтеу, біздің парызымыз деп ойлаймыз. Құрметті Мұхтар Әуесұлы! Құрметті Дәуренбек Жолдасұлы! Сіздерден, Нұртуған Кенжеғұлұлының 130 жылдық мерейтойын атағына сай, жоғары дәрежеде өткізу үшін қолдау көрсетулеріңізді сұраймыз. Құрметпен, Аманөткел ауылық округінің тұрғындары: Б.Жалмағанбетов – ардагерлер кеңесінің төрағасы Ш.Әбдіраманов – қауымдастық кеңесінің төрағасы А.Әбілов – зейнеткер мұғалім Ж.Әбілов – кәсіпкер, дарын сыйлығының иегері М.Ермекова – әйелдер кеңесінің төрайымы Т.Сапаров – зейнеткер Б.Қиынбаев К.Жаңабаев М.Ералиев Ә.Тілеулиев
20 қаңтар 2017
Қаралған: 80

Бөлім таңдау арқылы сұрағыңызды тұжырымдаңыз:

Пайдалы сiлтемелер
Қатені байқадыңыз ба?
Белгілеп, үстінен басыңыз Ctrl + Enter
«Арал ауданы әкімінің аппараты» коммуналдық мемлекеттік мекемесі
120100, Арал қаласы, Школьная көшесі, 33
Тел: +7 724 33 21162, факс: 22541
Сенім телефоны: +7 (72433) 2-11-62